| முழுவதும் அடங்கிய ஆய்வு தொகுப்பு | 383 |
Untitled Document | 1758 | | மோசக்காரன் பொன்னன் அப்பா!
முத்தம்மாள் ஓர்வேசி, அப்பா!
ஆசை காட்டி இழுத்துன்னை
ஆழக் குழியில் வீழ்த்திடுவார்;
‘பாசம்’ ‘நேசம்’ என்பதெலாம்
பாசாங் கன்றி வேறில்லை;
ஈசன் அடியை மறவாமல்
என்றும் ஏத்தி வாழ்வாயே. | 89 |
| 1759 | | ஆவித் துணையே! அருட்கடலே!
அருளால் அருள்செய் ஆண்டவனே!
பாவி எனக்குன் அருள்நோக்கம்
பாலித் திடுதல் ஆகாதோ?
மேவும் அரிய புண்ணியமாம்
விலைகொண் டதனை விற்பாயேல்,
யாவர் உய்வர்? இவ்வுலகில்
ஏழை மக்கள் என்செய்வார்? | 90 |
| 1760 | | நாடும் ஈசன் பாவிகளை
நரகில் வீழ்த்தி விடுவானென்று
ஏடு நிறையப் பண்டிதர்கள்
எழுதி வைத்துப் போய்விட்டார்;
ஈடி லாத அவனருளை
என்றும் அன்பால் உள்ளுருகி
ஆடிப் பாடும் அடியாரால்
அயலார் அறிய வல்லாரோ? | 91 |
| 1761 | | வைய மிசையுன் னடிபற்றி
வாழும் அடியார் தனையேநீ
உய்ய வைத்தல் செய்வேலைக்கு
உதவு கூலியாம்; எவரும்
செய்யொ ணாத பழிபாவம்
செய்த பொல்லா நீசரையும்
ஐய மின்றி ஆளுதலே
அருளாம்; எங்கள் பெருமானே! | 92 | |
|
|