Untitled Document | 1762 | | தண்ணார் மதியும் புரிசடையும்
தாங்கும் தையல் பாகனென
எண்ணா தொருவன் சொன்னது கேட்டு
எவனோ சொன்னான்; அவனைக் கேட்டு
அண்ணா சொன்னான்; அதுபோலின்று
அடுத்த தம்பி சொல்கின்றான்;
கண்ணால் ஈசன் திருமேனி
கண்டார் எவரும் உண்டோ? சொல். | 93 |
| 1763 | | நாடும் தெய்வம் இதுவென்று
ஞாலத் தறிய முயல்கின்றார்,
தேடித் தேடிப் பார்த்ததெலாம்
திரைமேல் வந்த திரையாகும்;
வாடி வாடி நோற்றதெலாம்
வாணாள் வீணாள் ஆனதுவே;
பாடிப் பாடிப் பெற்றதெலாம்
பகலிற் கனவு கண்டதுவே. | 94 |
1764 | | எங்கும் மனிதர் உனைத்தேடி
இரவும் பகலும் அலைகின்றார்;
எங்கும் உள்ளது உன்வடிவாம்;
எனினும் குருடர் காண்பாரோ?
எங்கும் எழுவது உன்குரலாம்;
எனினும் செவிடர் கேட்பாரோ?
எங்கும் என்றும் எவ்வுயிரும்
யாவு மான இறைவனே | 95 |
| 1765 | | ஆல யங்கள் ஏனய்யா!
அபிஷே கங்கள் ஏனய்யா!
கோலங் கொடிகள் ஏனய்யா!
கொட்டு முழக்கம் ஏனய்யா!
பாலும் பழமும் வைத்துநிதம்
பணிந்து நிற்ப தேனய்யா!
சீலம் பேணும் உள்ளத்தைத்
தெய்வம் தேடி வாராதோ? | 96 |
|
|
|