| முழுவதும் அடங்கிய ஆய்வு தொகுப்பு | 385 |
Untitled Document | 1766 | | என்னை நோக்கி எதிர்வந்தான்,
யானும் நிலனை நோக்கிநின்றேன்;
என்னை முத்த மிடவந்தான்,
யானும் நழுவ வழிபார்த்தேன்;
இன்னும் நிற்பான் என்றிருந்தேன்;
இமைப்பின் ஓடி மறைந்திட்டான்;
இன்னும் தேடி அலைகின்றேன்;
எங்கும் காணேன்; என்செய்வேன்? | 97 |
| 1767 | | ஏது ஏது மில்லாமல்
என்னைத் தனியே வைத்தாய்நீ;
தூதின் வரவு காணாமல்
தூண்டிற் புழுவாய்த் துடிக்கின்றேன்;
நீதி இதுவோ? நெறியிதுவோ?
நீசெய் குறையை நிறைசெய்ய
ஓது வாழ்நாள் நீண்டிடுமோ?
உள்ளம் இதனை உணராதோ? | 98 |
| 1768 | | என்றும் என்றும் என்குறைகள்
இரவும் பகலும் ஆராய்வேன்;
அன்றி அயலார் குறைகாணில்
அடைத்துக் கண்ணை மூடிடுவேன்;
இன்றிவ் உலகின் கொடுமையெலாம்
இதயம் பிறவு செய்திடுமால்;
ஒன்றி யிங்கு வாழ்வதிலும்
ஓடி ஒழிதல் நலமாமே. | 99 |
| 1769 | | எண்ணி எண்ணி என்குறைகள்
ஏனோ நிதமும் கூறிடுவர்?
பண்ணுஞ் செயல்கள் பழித்திடுவர்;
பாவி என்றுந் தூற்றிடுவர்
மண்ணில் யானோர் ஒளிவட்டம்;
மற்றவ் வட்டம் நோக்கிடுவோர்
கண்ணிற் காண்பது அவரவர்தம்
காட்சி யல்லால் வேறாமோ? | 100 | |
|
|