Untitled Document | | | பசு மேய்ந்தால் பால் சுரக்கும்,
பால் சுரந்தால் கன்று குடிக்கும்;
கன்று குடித்து மிஞ்சியதைக்
கறந்து கொண்டு வந்திடலாம்!
காப்பியில் விட்டுக் குடித்திடலாம். |
| 273 | | மின்னி மேகம் பரவுது,
மெல்ல மெல்லத் துளிக்குது;
என்ன சொல்லித் துளிக்கு தென்று
இயம்பு கின்றேன் கேளம்மா! |
| 274 | | 'மண்ணில் கொஞ்ச நாட்களாய்
மறைந்து றங்கும் செடிகளே!
கண்ம லர்ந்து வாருங்கள்;
காலை யாச்சு' தென்குது. |
| 275 | | 'பட்டு டுத்து வாருங்கள்;
பணிகள் பூண்டு, வாருங்கள்;
பொட்ட ணிந்து சீக்கிரம்
புறப்ப டுங்கள்' என்குது. |
| 276 | | 'வாசச் செப்பைத் திறவுங்கள்;
வாரி யெங்கும் வீசுங்கள்;
ஈசன் பாத பூசனைக்கு
எழுந்தி ருங்கள்' என்குது. |
| 277 | | 'வாட்ட மெல்லாம் நீங்கவே
வசந்த காலம் வந்தது;
மீட்டும் நன்மை காணலாம்;
விரைந்தெ ழுங்கள்' என்குது. |
| 278 | | கல்லும் மலையும் குதித்துவந்தேன் - பெருங்
காடும் செடியும் கடந்துவந்தேன்;
எல்லை விரிந்த சமவெளி - எங்கும்நான்
இறங்கித் தவழ்ந்து தவழ்ந்துவந்தேன். | |
|
|