முகப்பு

பக்கம் எண் :

தொடக்கம்

முழுவதும் அடங்கிய ஆய்வு தொகுப்பு 47 295   பூமாலை வாடும், மணம்      பொன் மாலைக் கில்லையென்று, பாமாலை வைத்தீசன்      பாதம் பணிபவனோ? 296   பாலமுதம் உண்டுதமிழ்ப்      பாமாலை பாடி, இந்தத் தாலம் புகழவரும்      சம்பந்தன் நீதானோ? 297   கொன்றையணிந் தம்பலத்தில்      கூத்தாடும் ஐயனுக்கு வன்றொண்ட னாக      வளர்ந்தவனும் நீதானோ? 298   கல்லைப் பிசைந்து      கனியாக்குஞ் செந்தமிழின் சொல்லை மணியாகத்      தொடுத்தவனும் நீதானோ? 299   பூவில் அயனும், இந்தப்      பூமீது வள்ளுவர்தம் பாவின் நயம் உணரப்      பாலகனாய் வந்தானோ? 300   கம்பன் கவியின்      களியமுதம் உண்டிட, மால் அம்புவியில் வந்திங்கு      அவதாரம் செய்தானோ? 301   தேவாரப் பாகும்,      திருவா சகத்தேனும், நாவார உண்ண எம்மான்      நம்மகவாய் வந்தானோ? 302 ஆக்கம் பெருக,      அறம்வளர, நாட்டையெலாம் காக்கும் பெருமான்      கருணைத் திருவுருவோ?

முன் பக்கம்

மேல்

அடுத்த பக்கம்