முகப்பு

பக்கம் எண் :

தொடக்கம்

நீ இவ்வளவு காலம் எங்கிருந்தாய்? பதினைந்து பதினாறு கார்த்திகைக்குப்பின் ஒரு நிலவறையிலிருந்து பதப்படுத்தப்பட்டு வெளிவந்த வீறுமிக்க மதுவைப் போல்- பதினாறு பதினேழு மார்கழிக்குப் பின் ஒரு களங்கமற்ற இதயத்தில் கருவாயிருந்து கலை அலங்காரத்தோடு உருவாகி வந்த ஓர் உயிருள்ள காவியம் போல்- பதினேழு பதினெட்டுத் தைக்குப் பின் ஒரு சின்னஞ் சிறிய தீவில் ஒதுங்கியிருந்து வைரக் குப்பையோடு கடல்வாசல் வந்த ஒரு சுதேசிக் கப்பலைப் போல்- நீ என் கண்ணைக் கவர்கிறாய். உன் வருகையால் இன்பச் சிகரத்தைக் கையால் எட்டித் தொடுகிறேன்- என்றாலும் இவ்வளவு காலமும் உன்னைக் காணாமல் வீணாகப் போய்விட்டதே என்று எண்ணிக் கவலைப் பள்ளத்தில் கால் வழுக்கி விழவும் செய்கிறேன். 2

முன் பக்கம்

மேல்

அடுத்த பக்கம்