தம்பி பிறந்த நாள்      

                                                   எங்கள் தம்பி பிறந்தநாள்!
                       இனிய தம்பி பிறந்தநாள்!
                    திங்கட் கிழமை இன்றுதான்
                       செல்லத் தம்பி பிறந்தநாள்!

                    வண்ணச் சட்டை உடலிலே,
                       மணிகள் தொங்கும் கழுத்திலே.
                    கொண்டை அணிந்து கண்ணன்போல்
                       கொஞ்சு கின்றான் மழலையில்.

                    தோட்டம் நடுவே ஊஞ்சலில்
                        தூக்கி வைத்தோம் தம்பியை.
                    ஆட்டி ஆட்டி விடுகிறோம்;
                        அசைந்தே ஆடி மகிழ்கிறான்.

                    மாலைத் தென்றல் காற்றுமே
                        வந்து மெல்ல வீசுது.
                    நீலம், சிவப்பு, மஞ்சளில்
                        நிறைய பலூன் பறக்குது!