முகப்பு

பக்கம் எண் :

தொடக்கம்

சுரதாவின் தேன்மழை 88 முன்வளர் புருவம் முட்க ளாயின; சொற்களோ பருக்கைக் கற்க ளாயின. அந்தித் தென்றல் சந்திக்க வந்தது; வந்த தென்றலை வஞ்சி வெறுத்தனள். விருந்துக்கு வந்தான் பரத்தையின் மடியிற் படுத்துக் புரண்டிட வன்னிய வீரன் வந்தனன் ஆங்கே! பொதுவுடல், பொதுமுகம் பொதுவிழிப் பரத்தை நாடி வந்தோனை ஓடிவர வேற்றனள். காமப் பசியோடு வந்தோன்,கணிகையின் பேரழகைக் கண்டு பெரு மூச்சு விட்டான்; தோளழைகைக் கண்டு துடித்துப் பதைத்தான். நெருப்பினால் உருக்கிய நெய்யின் நிறத்தினள், சிரிப்பினால் உருக்கிச் சிற்றின்ப இதழ்களால் கிளிமழலை செய்தனள்; கீழ்மகள் செய்த சொல்வழி நின்றத செவியே, அன்னவள் விழிவழி நின்றது வேந்தன் மணிமுகம்! பறந்து வந்தவன் பரத்தையை நோக்கிக் "காதங் கமழ்ந்திடும் கருங்குழல் மாதே! கடல்படு முத்தையும் காடுபடு பொருளையும் மலைபடு மணியையும் மதித்திடா துன்றன் உடல்படு பொருள்தொட ஓடோடி வந்தேன்;" அடம்பம்பூக் கிழிக்கும் அன்னமே! உன்றன் கண்ணழகு நீலக் கடலுக்கு வருமோ? பொருந்தி வளரும் புருவத்தின் வளைவு, வல்வில் ஓரி எடுத்து வளைத்தே

முன் பக்கம்

மேல்

அடுத்த பக்கம்