முகப்பு

பக்கம் எண் :

தொடக்கம்

சுரதாவின் தேன்மழை 95  8. அகத்துறை பாவையைப் பார்த்தீரோ அழகிற் சிறந்திருப்பாள் -குலமகள்        அன்னம் எனநடப்பாள்! தழுவுங் கொடியிடையாள்-திருவளர்        தாமரை போன்றிருப்பாள்! விழியில் நிலாவளர்ப்பவள்-சுரையின்        விதையது போல்நகைப்பாள்; மழையின் குளிரமுதை-மதுமலர்        மங்கையைக் கண்டீரோ? மஞ்சள் குளித்திருப்பாள்-விழிதனில்        மையிட்டுக் கொண்டிருப்பாள்; கொஞ்சம் மலர்பறித்தே இருள் தருங்        கூந்தலில் சேர்த்திருப்பாள்; நெஞ்சைக் கவர்ந்திழுக்கும்-திலகமும்        நேரிழை வைத்திருப்பாள்; வஞ்சி நகரென சிறந்தபெண்        வஞ்சியைக் கண்டீரோ? நேரிழை மார்பினிலே-மணிச்சரம்        நீண்டு கிடந்தசையும் ஓரிரு குண்டலங்கள்-செவிதனில்        ஊஞ்சலைப் போலாடும் காரிகை கற்றவளாம்-அவளிரு        காலிற் சிலம்பிற்க்கும் பாரியின் தேரெனவே-சிறந்தபூம்        பாவையைப் பார்த்தீரோ?

முன் பக்கம்

மேல்

அடுத்த பக்கம்