உணவிலாமல் ஏழை மக்கள்
              உடல் பதைத்து வாடலும்
       உணர்வி லாத தன்ன லங்கள்
              பதுக்கி வைத்து மூடலும்
குணமி லாத செல்வம் செய்யும்
              கோடி கோடி துன்பமும்
       கொடுமை செய்துஇவ் வுலகை ஆளக்
              கோரு கின்ற வம்புகள்
பணமி லாத ஒன்றுக் காகப்
              பாத கங்கள் புரிவதும்
       பாவ புண்ணியங்கள் என்ற
              பயம்இ லாது திரிவதும்
அணுபி ளக்கும் குண்டு செய்துஇவ்
              வகில நாசம் எண்ணலும்
       அத்த னைக்கும் மாற்று நல்கும்
              அமரன் காந்தி அண்ணல்தான்.       3