தெய்வ பத்தி
	உலகெல்லாம் பட்டமாண்	டாலும்-தெய்வ
	பலமில்லார்க் கில்லையே	பாக்ய மெக்காலும்-மதி
	6
	தலைமேலே மலைவிழுந்	தாலும்-தெய்வ
	பலமுடையார்க்குண்டோ	பய மொருகாலும்-மதி
	7
	உடலுயிர் பலபல	வுடைமை-எல்லாம்
	திடமுட னீந்தோனைச்	சேவித்தல் கடமை-மதி
	8
	பரவச மாகவுள்	ளுருகு-ஐயன்
	திருவருள் நினைந்து நீதினங்	கண்ணீர் பெருகு-மதி
	9
	சூதான மாயப்ர	பஞ்சம்-இதில்
	நாதனல்லாது ந	மக்குண்டோ தஞ்சம்-மதி
	10
	முன்னம் பொருளெல்லாந்	தந்து-பின்பு
	தன்னையுந் தந்தவன்	தாள்தொழ முந்து-மதி
	11
	மாதா பிதா குரு	தெய்வம்-ஆன
	நாதனார் கைவிடில்	நாமென்ன செய்வம்-மதி
	12
	துக்கசாகரஞ்	சம்சாரம்-கரைப்
	பக்கமே றிடப்பரன்	பாதமா தாரம்-மதி
	13
	நீரைவிட்டாற் கெடும்	மீனே-ஈச
	னாரைவிட் டால்நமக்	கார்துணை மானே-மதி
	14
	நாஞ்செய்வ தெல்லாம்	விகாரம்-கர்த்தர்
	தாஞ்செய்வ தெல்லாம்	தகுமுப காரம்-மதி
	15
	தேவனை நினையாத	வுள்ளம்-பெரும்
	பாவமும் பழிகளும்	படிந்திடும் பள்ளம்-மதி
	16
	ஈசனைப் போற்றாத	வாயே-ஒரு
	காசுக் குசவாக்	கசப் பெட்டிக்காயே-மதி
	17