பெண்மதிமாலை
	மெய்சொல்ல மேன்மையுண்	டாமே-தினம்
	பொய்சொல்லும் வாய்க்குப்	புசிப்பற்றுப்போமே-மதி
	60
	நகைதுணி யிரவல்வாங்	காதே-வாங்கில்
	சகலரு மேசுவர்	தாழ்வு நீங்காதே-மதி
	61
	மங்களமாக நாள்	போக்கு-கைக்குக்
	கங்கணம் போடவே	காய் கறியாக்கு-மதி
	62
	வீட்டுக் கணக்கெல்லா	மெழுது-நல்ல
	ஏட்டுக் கணக்கருக்	கில்லையே பழுது-மதி
	63
	மட்டின்றிக் கடன்வாங்கல்	தீது-ஐயோ
	குட்டிச்சுவரில் முட்ட	வெள்ளெழுத் தேது-மதி
	64
	கடன்களைத் தீர்க்கத்தப்	பாதே-கண்ட
	இடமெல்லா முன்குறை	யெடுத்துச் செப்பாதே-மதி
	65
	வெள்ளமா யாசைப்	படாதே-கையில்
	உள்ளது போது	முறுதி விடாதே-மதி
	66
	எல்லாங் கைகூடி	வராதே-நமக்
	கில்லாவழகைக்கண்	ணாடி தராதே-மதி
	67
	எவராலு மேயிசை	யாதே-செய்த
	அவனசையாம	லணுவசை யாதே-மதி
	68
	ஈனராலும் கா	யாதே-சிறு
	பூனைபோலிருந்து நீ	புலிபோற் பாயாதே-மதி
	69
	கண்டெடுத்த பொருளை	நீயே-சொந்த
	பண்டக்கா ரரைத் தேடிப்	பரிந்தளிப்பாயே-மதி
	70
	கள்வர்கைப் பொருளைவாங்	காதே-வாங்கும்
	உளவரில்லா விட்டாற்	களவேது மாதே-மதி
	71