அறிவுரை
	அநியாய வட்டிவாங்	காதே-வாங்கில்
	இனியகை முதலும்போம்	ஏக்கம் நீங்காதே-மதி
	72
	அளவு நிறையைக்குறைக்	காதே-ஒரு
	சுளகாலே யானையை	நீ மறைக்காதே-மதி
	73
	அகவிலை தன்னையேற்	றாதே-நாளும்
	தகவே செல்லாப்பணந்	தன்னை மாற்றாதே-மதி
	74
	புண்ணியஞ் செய்யக்கூ	சாதே-இந்த
	மண்ணிலிருந்து வழக்	கோரம் பேசாதே-மதி
	75
	நடக்குஞ் சந்த்ராதித்தர்	மாதே-தெற்கு
	வடக்கானாலு நீ	வார்த்தை தப்பாதே-மதி
	76
	ஒன்றுக்கு மஞ்சிநில்	லாதே-பாலைக்
	கன்றுக் கில்லா மற்	கறக்கச் சொல்லாதே-மதி
	77
	தீயார் சொல்லைப் பொறுப்	பாயே-யெட்டிக்
	காயென்று சொன்னாற்	கசக்குமோ வாயே-மதி
	78
	தீயென்று சொன்னால்வாய்	வேமோ-கெடு
	வாயொன்றொருவர் சொல்லில்	வாழ்வெல்லாம் போமோ-மதி
	79
	புகழு மிகழும்வாய்க்	காற்று-இதில்
	மகிழ்வும் வருத்தமும்	கொள்ளாமல் மாற்று-மதி
	80
	சதிகாரர் வலையிற்	படாதே-கல்வி
	மதியில்லாதவனுக்கு	வாழ்க்கைப்படாதே-மதி
	81
	குணவா னெளியனா	னாலும்-அவன்
	மணவாளனாவது	மாசெல்வம்போலும்-மதி
	82
	புகழுடையோனை	விடாதே-துஷ்டன்
	மகராசனானாலு	மாலையிடாதே-மதி
	83