:: TVU ::

மனோஹரன்

[அங்கம்-1

விக.	என்ன அம்மணி! எனக்கொண்ணுந் தெரியாதே! நான் தூங்கிக்கினு இருந்தேன், கூச்சல்கேட்டு என்ன விஷய மிண்ணு ஓடிவந்தேன்; தூக்கமெல்லாங் கெட்டுது. என்ன சேதி?
அ.	அம்மணி, இவர்தான் என்னை மறைந்து கொள்ளும்படி சொன்னதென்று நினைக்கிறேன்.
வ.	பாத்தைங்களா ஐயா! உட்டேனா நானு? சந்தேகமில்லை!
வனை.	விகடா! நான் இம்முறையும் உன்னை மன்னித்தேன். இனி இம்மாதிரியான துர்க்கிர்த்தியங்கள் செய்யாதே! இதென்ன சங்கடமாயிருக்கிறது!
விக.	இல்லெ அம்மணி. நான் மறுபடியுஞ் செய்யவேமாட்டேன். சந்தேகமில்லை!
வ.	ஆமாம், அம்மா! சந்தேகமேயில்லை!
வனை.	நீலவேணி, இவர்தானா உன் தமையனாராகிய வைத்தியர்?
விக.	ஆமம்மா, இவர்தான் என் தமயனாராகிய பயித்தியர்.
நீ.	இவர் அரண்மனை விதூஷகர், இவர் கூறுவதைக் கவனிக்கவேண்டாம் அண்ணா.- (வசந்தசேனையுடன்) ஆமாம், அம்மா, எப்படியும் ராஜகுமாரருக்குக் கண்டிருக்கிற வியாதியை நீக்கிவிடுவதாகக் கூறுகிறார்.
அ.	அம்மணி, ஈஸ்வரனுடைய கிருபையினாலும், எனது குரு வின் கடாக்ஷத்தாலும் நமது இளவரசருக்குக் கண்டிருக் கிற வியாதியைச் சீக்கிரத்தில் தீர்த்துவிடுவேன்- இது பித்தத்தைச் சார்ந்த வியாதி-
வ.	என்னா ஐயா! எனக்கு பயித்தியமா புடிச்சிப்போச்சி?
வனை.	வசந்தா! பேசாமல் இரு சற்று! எனக்குக் கோபம்வரும் படிச் செய்யாதே!
அ.	அம்மணி, என்னுடைய கைவல்லபம் இங்கே தெரியாது-
விக.	ஆமாம், இங்கே என்னமா தெரியும்? அங்கே போனவங் களே கேட்டா தெரியும்!