| வி.
|
பிராணநாதா, நானும் உம்முடன் வருகிறேன்.
|
| ம.
|
ஐயோ, ஈதென்ன சங்கடம்! ஸ்திரீகள் யுத்த களத்திற்கு
வரலாகுமோ? இது அசாத்தியமான காரியம். நீ இங்குதானே
சுகமா யிரு. நான் போய்த் திரும்பி வருகிறேன் சீக்கிரம்.
|
| வி.
|
திரும்பி வருகிற சமாசாரம் என்னிடம் கூறுவானேன்?
அப்பொழுது யார் உயிருடன் இருக்கப் போகிறார்களோ
அவர்களிடம் கூறும்!
|
| ம.
|
அப்படியல்ல, விஜயா, மனோதைரியத்தைக் கைவிடாதே.
மனோஹரனுடைய மனைவியாயிருந்து நீ மன அதைரியப்
படலாமா? சீக்கிரம் எனக்கு விடையளிப்பாய்.
[முத்தமிட்டு] கண்ணே, நான் போய்வருகிறேன், - அம்மா,
விஜயாளை உம்மிடம் ஒப்புவித்துப் போகிறேன். அவளுக்கு
நீர்தான் தேறுதல் சொல்லவேண்டும்.
|
[விஜயாளின் கரத்தைப்பற்றி பத்
மாவதியின் கரத்தில் வைக்கிறான்.
வெளியில் யுத்த பேரிகை
முழங்குகிறது.]
|
|
| ரா.
|
அம்மா; காலம் நெருங்கிவிட்டது சீக்கிரம் உத்தரவளியும்
எனக்கும்; தங்களுடைய ஆசீர்வாதத்தால் நானும்
உயிருடன் ஜெயம் பெற்று வரவேண்டும்.
|
| பத்.
|
ராஜப்பிரியா, அப்படியே சுகமாய் வெற்றி பெற்று வா.
அப்பா, மனோஹரனைப் பார்த்துக்கொள்.
|
| ம.
|
அம்மணி, எனக்கு ஒரு துணை வேண்டுமோ?
|
| பத்.
|
அவ்வாறன்று, யானைக்கு மடி சருக்குமென்பர். யுத்தத்தில்
சேம ரதனாக ஒரு ஆப்தன் எப்பொழுது மிருக்க
வேண்டும்.
[யுத்தபேரிகை மறுபடியும் முழங்கு
கிறது.]
|