முகப்பு

பக்கம் எண் :

தொடக்கம்

98 மனோஹரன் [அங்கம்-3    மனோஹரனும், சத்தியசீலரும் வருகிறார்கள்.  ச. அரசே, வேறு வழியில்லையா இதற்கு? என் கையினாற் றான் கொல்லவேண்டுமோ உம்மை? ம. என்ன மறுபடியும் பழையபடி ஆரம்பித்தீர்? வேறு வழி யில்லை, முடியும் உமது வேலையை !  நான் உமக்குத் தீங்கு செய்வேன் என்றஞ்சவேண்டாம் ;  மனோஹரன் உயிருட னிருக்கும்பொழுது ஒருவனுக்கும் அஞ்சினதில்லை, இறப்பதிலும் ஒருவருக்கும் அஞ்சா திறக்கப் போகி றேன், பாரும் !  ச. அரசே !  என்னுடைய கரத்தால் உமது சென்னியை நான் எவ்வாறு சேதிப்பது? எனக்கு மனம் எப்படி துணியும்? கைதான் எப்படி எழும்? ஐயனே !  மற்றெல் லோருமிருக்க பாவி என் கரம்தான் இம்மஹாபாதகத் தைப் புரியவேண்டுமோ? இதற்கென்றோ நான் இப்புவி யிலுதித்தேன்?                   [வருந்துகிறார். ]  ம. ஐயா !  இவைகளை யெல்லாம் குறித்து இப்பொழுது வருந்திக்கொண்டிருப்பதற்குக் காலமில்லை நேரமாய் விட் டது !  என் மன வுறுதியைக் கலைக்காதீர் !  சீக்கிரம் !   ச.  ஈசனே !  ஈசனே !  இதுவும் உமது திருவிளையாட்டோ !                            [கண்ணீர் விடுகிறார்.]   ம. என்ன ஐயா !  அழுதுகொண்டிருக்கிறீர்கள் !  எடும் வாளை !  என்னைக் கொல்கிறீரா என்ன இப்பொழுது? ச. அரசே, உமது கட்டளைப்படியே ஆகட்டும். ஆயினும் நீர் இறப்பதன்முன் எனக்கு ஒரு வரம் கொடுக்கமாட்டீரா? ம. ஐயா !  நல்ல சமயம் பார்த்தீர் என்ன வரம் கேட்க !  இப் பொழுது தமக்குக் கொடுக்கும்படியாக என்னிடம் என்ன இருக்கிறது? என்னால் இந்த ஸ்திதியில் கொடுக்க முடியுமானால் கொடுக்கிறேன். சீக்கிரம் கேளும், கால மாய் விட்டது, இறப்பதனால் நான் சீக்கிரம் இறக்க வேண்டும் !

முன் பக்கம்

மேல்

அடுத்த பக்கம்