அப்படியாவது அந்தச் சடங்குப் பாட்டு இன்றியமையாததாக இருந்தாலும் கவலை
இல்லை. அதுவும் காணோம். கூலிக்கு அல்லது பேருக்கு எழுதும் திருமண வாழ்த்தும்
பாராட்டு இதழும் கையறு நிலையும் செய்யுள் வடிவாக இருக்க வேண்டிய
இன்றியமையாமை இல்லை; உரைநடையில் அமைக்கலாம். அதிலும், எவருடைய
திருமணத்தைப் பற்றியோ தொடர்பில்லாத புலவர் ஒருவர் உணர்ச்சி இல்லாமல்
வாழ்த்துச் செய்யுள் பாடித் தருவதும், யாரோ இறந்ததற்காக அவரைப் பற்றி ஒன்றுமே
அறியாத ஒருவர் கையறு நிலைபாடித் தருவதும் சடங்கு என்று கூறுவதும் தகுதியற்ற
செயல்கள்.
| ஆகையால், எழுதிப் படிக்கும் சடங்குச் செய்யுளுக்கு உலகத்தில் இடம் இல்லை.
எழுதிப் படிக்கும் பேச்ச அறிவுலகத்தில் இடம் பெற்றது போல், இது இடம் பெறல்
இயலாது. இந்தச் சடங்குச் செய்யுள் அறிவுலகத்தில் அடிவைத்தல் இயலாது; உணர்ச்சி
உலகத்திலோ, இதற்குத் தொடர்பு இல்லை.
| | |
|
|