நினைவுக்கு வருகின்றது. 'இலக்கிய ஆராய்ச்சி என்பது நூலுலகத்தில் நுழைந்து மனித
உள்ளம் ஆற்றும் அஞ்சாத செயல்கள்,' என்பது அவருடைய கருத்து. ஒருவருடைய
உள்ள நிலையையும் நம்பிக்கைகளையும் அவனே எடுத்துக் கூறுவதால் அறியலாம்;
அவனுடைய ஆராய்ச்சியுரைகளில் அவை மேலும் நன்றாக விளங்கக் காணலாம் என்று
ஜான்முரி என்னும் ஆராய்ச்சியாளர் கருதுகின்றார். ஆதலின் நூலாராய்ச்சியில்
நூலாசிரியரின் உள்ளம் விளங்குவது ஒரு பக்கம் இருக்க, ஆராய்ச்சியாளருடைய
உள்ளமே தெளிவாக விளங்குகின்றது எனக் கொள்ள வேண்டும்.
| இந்த உண்மை விளங்கியவர்க்கே ஆராய்ச்சிக்கே உரிய தகுதி ஏற்படுகின்றது
எனலாம். உலகம் பலவகை என்று உணராத ஒருவன் தனக்கு விருப்பமான பகுதியில்
கலந்து வெறுப்பான பகுதியில் ஒதுங்கியும் வாழ முற்படுவான்; அவன் உலகின் ஒரு
மூலையில் வாழலாம்; உலகை ஆராய முடியாது. அவ்வாறே இலக்கிய ஆராய்ச்சியும்
வெவ்வேறு வகையாக அமையக் கூடும் என்ற உண்மை உணராதவரும், ஆராய்ச்சியில்
தலைப்படுவதற்கு முன்பே தவற நேரும், அவரும் தமக்குப் பிடித்த ஒருவகை
இலக்கியத்தைக் கற்க முடியும்; பிடிக்காத மற்றொரு வகை இலக்கியத்தை வெறுக்க
முடியும்; நடுநிலையாக நின்று எதையும் ஆராய முடியாது.
| | |
|
|