அதன் வழியே ஒன்றுபடுகின்றனர். செவி மிக நுட்பமாக வளர்ந்தமைந்தது; நரம்புகளின்
மென்மைக்கு ஓர் எல்லையாக அமைந்தது; உடம்பின் மற்ற நரம்புகளையும் அசைந்து
ஆட்டி வைக்கும் ஆற்றலும் பெற்றது. தொலைவில் கேட்கும் பறை ஒலியைக் கேட்டுத்
திண்ணையில் நிற்கும் சிறுவனின் கைகால்கள் தாமாகவே ஆடுகின்றன. எதையோ
எழுதிக்கொண்டே இருக்கும் கணக்குப்பிள்ளை வானொலிப் பாட்டைக் கேட்டுக்
கைத்தாளம் போடுகிறார். ஒலிநயம் இவ்வாறு செவிப் புலனைக் கவர்ந்து உடலையே
ஆட்டி வைப்பது கண்கூடு. உடம்பில் இரத்த ஓட்டம், இதயத் துடிப்பு, நுரையீரல்
இயக்கம் ஆகிய எல்லாம் ஒருவகை ஒழுங்கு முறைக்கு இயைந்து நடைபெறுகின்றன.
செவி முழுவதும் அதன் வயமாகி இயங்கத் தொடங்குகின்றன. இந்த உண்மையை
உணர்ந்தே அறுவடை முதலிய தொழில் செய்யும் போதும், படை புறப்பட்டுப்
போருக்குச் செல்லும் போதும், போர் நிகழும் போதும், பறை, முரசு முதலிய ஒலிக்
கருவிகளை முன்னோர்கள் பயன்படுத்தினார்கள். இன்றும் இவ்வாறு ஒலிநயம் கொண்டு
தூண்டித் தொழிற்படுத்தும் வழக்கம் இருந்து வருகிறது. ஆகவே மென்மையான
நரம்புகளும் ஓரளவு பயிற்சியும் உடையவர். ஒலிநயத்தின் கவர்ச்சிக்கு ஆளாகாமல்
தப்ப முடியாது. ஒருவகை ஒலியமைப்பைத் திரும்பத் திரும்பக் கேட்டு மகிழ்ந்து பயின்ற
பிறகு, அதை மறப்பதோ வெறுப்பதோ முடியவே முடியாது. அதனால் தான்
காவடிச்சிந்து முதலிய இசை வகைகளும், பலவகை விருத்தம், தாழிசை முதலிய
நுண்ணிய ஒலியமைப்புகளும் அழியா வாழ்வு பெறுகின்றன.
| திரும்பத் திரும்பக் கண்ட காட்சிகளையும் கண் மறந்துவிடும்; அழகாக
இருப்பினும் பழைய காட்சிகளையே திரும்பக் காண்பதில் கண்ணுக்கு வெறுப்பும் உண்டு.
ஆனால் திரும்பத் திரும்பக் கேட்ட இனிய ஒலியமைப்பைச்
| | |
|
|