அழகுக் கலையை விரும்பாத மனிதனை அறிவு நிரம்பாத விலங்கு
என்றே கூறவேண்டும்; அவனை முழு நாகரிகம் பெற்றவன் என்று
கூறமுடியாது.

     அழகுக் கலைகள் எத்தனை? அழகுக் கலைகள் ஐந்து. அவை
கட்டடக் கலை, சிற்பக்கலை, ஓவியக் கலை, இசைக் கலை, காவியக் கலை என்பன. பண்டைக் காலத்தில் நமதுநாட்டவர் கட்டடக் கலையையும் சிற்பக் கலையையும்¹ ஒரே பெயரால் சிற்பக்கலை என்று வழங்கினார்கள். ஆனால், கட்டடக் கலை வேறு; சிற்பக் கலை வேறு.

     காவியக் கலையுடன் நாடகக் கலையும் அடங்கும். அழகுக் கலைகளில் காவியக் கலை, இசைக் கலை இரண்டையும் பண்டைத்தமிழர் இயல், இசை, நாடகம் என்ற மூன்றாகப் பிரித்தனர். அவர்கள் இயற்றமிழ் என்று கூறியது காவியக் கலையை. செய்யுள் நடையிலும் வசன நடையிலும் காவியம் அமைப்பது இயற்றமிழ் எனப்பட்டது. செய்யுளை இசையோடு பாடுவது இசைத் தமிழ் எனப்பட்டது. இயலும் இசையும் கலந்து ஏதேனும்

கருத்தையோ கதையையோ

1. Architecture and Sculpture