விட்டது சனியன்
|
| | விட்டது சனியன் விட்டது சனியன்
விட்டது நம்மை விட்டதடா
கொட்டுக முரசு கொம்பெடுத்தூது
கொடும் பாவி கள்ளைக் கொளுத்திவிட்டோம் | (விட்டது) |
| |
செத்தது கள்பேய் இத்தினம் இதையினி
தீபாவளிபோல் கொண்டாடு
பத்திரம் கள்மேல் சித்தம் வாராவிதம்
பார்ப்பதும் காப்பதும் உன்பாரம் | (விட்டது) |
| |
ஈச்வர வருஷம் புரட்டாசியிலே
இங்கிலீஷ் ஒன்று, பத்து முப்பத்தேழில் (1-10, ’37)
சாச்வதம் போலவே நமைப் பிடித்தாட்டிய
சனியன் கள்கடை சாத்திவிட்டார் | (விட்டது) |
| |
கூலியைத் தொலைப்பதும் தாலியை இழுப்பதும்
கூசிட ஏசிடப் பேசுவதும்
சாலையில் உருண்டொரு சவமெனக் கிடப்பதும்
சந்தி சிரிப்பதும் இனியில்லை | (விட்டது) |
| |
அழுதிடும் மக்களும் தொழுதிடும் மனைவியும்
ஐயோ! பசியுடன் காத்திருக்க
பொழுதுக்கும் உழைத்தது முழுவதும் கூலியைப்
போதையில் இழப்பதும் இனியில்லை
| (விட்டது)
|
| | பெற்ற தன் குழந்தைகள் சுற்றி நடு நடுங்க
பேயெனும் உருவொடு வாய்குளற
உற்றவர் உறவினர் காறி உமிழ்ந்திட
ஊரார் நகைப்பதும் ஒழிந்ததினி | (விட்டது) |