ஆடு ராட்டே
|
| பல்லவி |
| | ஆடு ராட்டே சுழன் றாடுராட்டே
| |
அனுபல்லவி
|
| | சுழன்று சுழந்று சுழன் றாடுராட்டே-இனிச்
சுயராஜ்யம் வந்ததென்று ஆடுராட்டே | (ஆடு) |
|
சரணங்கள்
|
| | பாபம் குறையுமென்று ஆடுராட்டே-இனிப்
பயங்கள் மறையுமென்று ஆடுராட்டே
கோபங் குறையுமென்று ஆடுராட்டே-நல்ல
குணங்கள் மிகுந்ததென்று | (ஆடு) |
| |
மேலான ஜாதியென்று மிக்கப்பேசி-மிக
மாறான காரியங்கள் செய்து வாழும்
மாலான ஜனங்களின் வஞ்சனையெல்லாம்-இனி
மாண்டு மடியுமென்று ஆடு ராட்டே | (ஆடு) |
| |
ஏழைகள் கண்ணீர்சொரிய மிக்கவருத்திப்-பல
எத்துக்கள் செய்தே பிழைக்கும் மனிதரெல்லாம்
வாழமுடி யாதினிமேல் வஞ்சனையினால்-அவர்
வாழ்க்கை திருந்து மென்று | (ஆடு) |
| |
பட்டனத்து வீதிகளில் சுற்றியலைந்து-மிகப்
பாடுபடும் கிராமத்துப் பத்தினிப் பெண்கள்
இஷ்டமுள்ள தங்குடிசை நிழலிருந்து-நூல்
இழைத்துப் பிழைப்பரென்று | (ஆடு) |