சக்தி தோத்திரம்
|
| பல்லவி
|
| | சக்தி எனக்கே அருள்வாய் - பரா
சக்திபெண் தாயுனைநித்தமும் தொழுதனன்
| (சக்தி) |
| சரணம்
|
| | பக்தியோ டுன்றனைப் பணிந்திடல் மறந்தேன்
பாரினிற் சுகமெல்லாம் நீயெனத் தெரிந்தேன்
இத்தின முதலுன்றன் இணையடி புரிந்தேன்
இனிமேற் பிணியில்லை கவலைகள் துறந்தேன், | (சக்தி) |
| | நோய்களைத் தடுத்திட நுண்ணிய அறிவும்
நொந்தவர் தங்களைக் காத்திடப் பரிவும்
மாய்வதைக் குறைத்திட மருந்துகள் முறிவும்
மந்திர தந்திர மணியவை தெரியும் | (சக்தி) |
| | கல்லினுங் கட்டுடைய தேகம் எனக்கருள்வாய்
காலனை ஜெயித்திடும் கருணையும் தருவாய்
சொல்லிலும் செயலிலும் தூய்மையைத் தருவாய்
சோம்பலை யோட்டிநற் சுகமெனக் கருள்வாய் | (சக்தி) |
| | புண்ணிய பாபமென்றன் இச்சையிற் கடந்து
பூதங்கள் ஐந்துமென் சொற்படி நடந்து
எண்ணிய யாவுமென்றன் இஷ்டப்படி முடிய
ஈன்றவளே உன்றன் அருள்வரத் தடையோ. | (சக்தி) |