முகம் - முகர் - முகரை. ’மூஞ்சி முகரை’,
’முகரையைப் பார்’ என்னும் வழக்குகளை நோக்குக.
முகர் = முகம் பொறித்த முத்திரை. முகர் - முகரா -
மொகரா (பெர்.) = முத்திரையுள்ள காசு. முகம் + திரை -
முகத்திரை - முத்திரை = முகவுருவுள்ள சின்னம். முகம் +
திரம் - முகத்திரம் - மோதிரம் = முத்திரையுள்ள
விரலணி. திருமுகம் = முத்திரையுள்ள கடிதம்.
முகம் - முகமை - முகாமை = முன்மை, முதன்மை,
தலைமை.
முகம் = முக்கியம் (தலைமை, சிறப்பு) < Skt.
mukhya. முகமை - மகமை = பெருமை. மகமை
ழூ மஹிமா (வ.). தமிழில் ’மை’யீறு பண்புப்பெயர்
விகுதியாயிருத்தலை நோக்குக.
முகம் - மகம் = பெருமை. L.
magnus, great மஹத் (வ.) மகம் - மகன்=
கடவுட் படைப்பிற் பெரியவன் (மாந்தன்),
ஒருவனுக்குப் புதிதாய்ப் பிறக்கும் மாந்தன்
(புதல்வன்). மகம் - மகவு. மக - மா = பெரிய. மகன் -
மான் - மன். மன் = பெருமை, மிகுதி, பெரும்பான்மை. Cf.``E.
many... A.S manig; cog. forms are found in all the Teut.languages;
allied to L. magnus.” Ch. E.D.
மன் - மாந்தன். மன்பதை =
மக்கட்கூட்டம்.
மன் - Goth.
man, A.S. mann, Ger. man, Ice. madhr (for mannr),
Skt. manu.
மகம் - மகந்து - மாந்து - மாந்தன்.
மன் = பெரியவன், அரசன். மன் + அன் -
மன்னன். ஆள் என்னும் சொல் பொதுமகனையும்
அரசனையும் குறித்தலை நோக்குக. ஆள் = person.
ஆளுதல் = அரசு செய்தல். ஆளி = ஆள், அரசன். ஆளன் =
ஆள், அரசன். ஆள்+ மை - ஆண்மை = ஆள்தன்மை, ஆட்சி.
King என்னும் சொல்லுக்கு A.S.
cyning = cyn (a tribe) and suffix - ing, meaning
‘belonging to’, ‘son of’, the ‘tribe’, the elected chief of the
people என்று Skeat
கூறியிருப்பது கருதத்தக்கது.
முகம் = முன்னிடம். எ-டு: துறைமுகம். முகம்
= பக்கம், நிலை. எ-டு: மறைமுகம், உண்முகம், ஒருமுகம்
(ஒற்றுமை), நேர்முகம் (நேர்த்தம்). முகம் =
முன்பக்கம், மேற்பக்கம். முகவரி = மேல் விலாசம்.
முகப்பு = கட்டடத்தின் முற்பகுதி.
Cf. Fr., E. facade. from It. facciate, the front of
a building, faccia, the face.
முகம் = இடம். முக - முகத்தல் =
தன்னிடத்துக் கொள்ளல் (த.வி.), ஒரு கலத்திற்
கொள்ளல், அளத்தல் (பி.வி.). முகவை = அளவை,
பொலியளப்பு.
முகம் = மூக்கு. முகத்தில் மிக முன்னால்
நீண்டிருப்பது மூக்காதலால், முகப்பெயர் மூக்கையுங்
குறித்தது. முகம் - முக. முகத்தல் = மணத்தல்,
விரும்புதல். "மூர்க்கரை மூர்க்கர் முகப்பர்"
(மூதுரை). முக - மோ. மோத்தல் = முகர்தல்,
விரும்புதல். மோ+கம் - மோகம் = விருப்பம், காதல்,
பெருங்காதல். மோகன் =
|