இந்த வாக்கியத்தில் ‘இதையெல்லாம்’ என்றோ ‘இவை எல்லாவற்றையும்’ என்றோ
‘இவற்றையெல்லாம்’ என்றோ இருப்பது பொருத்தமானது.
|
2.2 இலக்கணப் பொருத்தக் குறைபாடுகள்
|
2.2.1 எழுவாய், பயனிலை
|
ஒரு வாக்கியத்தில் எழுவாய்க்கு ஏற்ற பயனிலை இருக்க வேண்டும் என்பது விதி. சில
இடங்களில் இதிலும் குழப்பம் ஏற்படுகிறது.
|
| | (38) உணவு வாங்குவதற்காக எப்போதுமே ரஷியாவில் காணப்படும் கியூ இப்போது மேலும் நீளமாகிவிட்டன.
|
வாக்கியத்தில் ‘கியூ’ என்பது ஒரே ஒரு வரிசையைக் குறித்தால் ‘நீளமாகிவிட்டன’
எனப் பன்மை முடிவு கொண்டிருக்கக் கூடாது. ஒருவேளை ‘கியூக்கள்’ என்று ஆங்கிலச்
சொல்லுக்குப் பன்மை விகுதி தருவதை விரும்பாததால் இவ்வாறு பயன்படுத்தியிருக்கலாம். |
| |
| | (39) சுதந்திரதின விழா சென்னையில் பல்வேறு இடங்களில் கொண்டாடப்பட்டன.
|
‘விழா’ என்ற எழுவாய் ஒருமைக்கு ஏற்ற வினை முடிபு ‘கொண்டாடப்பட்டது’
என்பதுதான்.
|
| | (40) என்மீது அவளே விவாகரத்து வழக்கு தொடர்ந்து 16.11.2000இல்
விவாகரத்து பெற்றுப் பிரிந்துவிட்டோம். |
இந்த வாக்கியத்தில் முதன்மைப்படுத்தப்பட்டிருப்பது ‘அவள்’; எனவே அதற்கு ஏற்ப
‘அவளே ... வழக்கு தொடர்ந்து ... பெற்றாள்’ என்று இருந்திருக்க வேண்டும். அல்லது
‘நாங்கள் பிரிந்துவிட்டோம்’ என்று ‘நாங்கள்’ என்னும் எழுவாயை வெளிப்படையாகக்
கூறியிருக்க வேண்டும்.
|
| 2.2.2 ஒருமை, பன்மை |
எழுவாய்க்கு ஏற்ற பயனிலை இருக்க வேண்டும் என்ற விதியிலிருந்து விலகிச் சென்ற
வாக்கியங்கள் போலவே ஒருமை, பன்மைப் பொருத்தத்திலிருந்து விலகிய வாக்கியங்களும்
உண்டு. |