4. முற்றுப்புள்ளி (.)
|
| | (இங்கு கூறப்படும் முற்றுப்புள்ளியும் அடுத்ததாக விளக்கப்படும் புள்ளியும்
பயன்பாட்டு அளவில் மட்டுமே வேறானவை. வாக்கியத்தின் முடிவில்
பயன்படுத்தப்படுவது முற்றுப்புள்ளி: ஏனைய இடங்களில் பயன்படுத்தப்படுவது
புள்ளி. ஆனால், குறியீடு இரண்டிற்கும் ஒன்றுதான்.)
|
| 4.1 பின்வரும் இடங்களில் முற்றுப்புள்ளி பயன்படுத்தப்படுகிறது. |
| | |
| 4.1.1 கூற்று வாக்கியத்தின் முடிவில் |
| | (அ) திருமணம் என்பது ஆயிரங்காலத்துப் பயிர்.
(ஆ) இந்தப் புத்தகம் எல்லோரும் புரிந்துகொள்ளக்கூடிய,
எளிய நடையில் எழுதப்பட்டிருக்கிறது.
|
4.1.2 ஏவல் வாக்கியத்தின் முடிவில்
|
| | (அ) பத்தாம் பாடத்தைப் படி.
(ஆ) புத்தகத்தின் பின்பகுதியில் தரப்பட்டுள்ள தமிழ்க் கலைச்சொல்
அகரவரிசையைப் பார்க்கவும்.
(இ) ஏய், அந்தப் பக்கம் போகாதே.
|
4.1.3 மேற்கோள்குறி பெற்றுவரும் வாக்கியத்தின் இறுதியில்
மேற்கோள்குறிக்கு முன்
|
| | “இந்த உலகில் உள்ள உயிரினங்களுள் மனிதன் மிகவும் உயர்ந்தவன்.”
|
4.1.4 கிடக்கை வரிசையில் அமைக்கும் பட்டியலின் இறுதியில்
|
| | ஐந்து வகைச் சுண்ணாம்புக் கற்கள் தமிழ்நாட்டில் கிடைக்கின்றன. அவை:
1. படிகவயச் சுண்ணாம்புக் கல், 2. கடல் வண்டலில் தோன்றிய
சுண்ணாம்புக் கல், 3. பவளச் சுண்ணாம்புக் கல், 4. சுக்கான் பாறை, 5.
கிளிஞ்சல் சுண்ணாம்புக் கல்.
|
4.1.5 கிடக்கை வரிசையில் அமைக்கும் முகவரியின் இறுதியில்
|
| | மு. சிவப்பிரகாசம், கதவு எண் 22, தெற்குத் தெரு, செந்துறை அஞ்சல்,
பெரம்பலூர் மாவட்டம். |