:: TVU ::

1. முதல் சொல்லின் இறுதி எழுத்து அ

எடுத்துக்காட்டு	தொடரும்சொல், விகுதி	சந்தி	விளக்கம்
அந்த+சாலை=அந்தச் சாலை இந்த+தேர்தல்=இந்தத் தேர்தல் எந்த+பக்கம்=எந்தப் பக்கம்	க,ச,த,ப	மிகும்	‘அந்த’, ‘இந்த’ முதலிய சுட்டுப்பெயரடைகளின் பின்பும் ‘எந்த’ என்ற வினாப் பெயரடையின் பின்பும் ஒற்று மிகும். ‘என்ன’ என்னும் வினாப்பெயரின் பின் மிகாது. எ-டு என்ன கேள்வி?
போக+கண்டேன்= போகக் கண்டேன் வர+சொல்=வரச்சொல் படிக்க+படிக்க=படிக்கப்படிக்க	க,ச,த,ப	மிகும்	‘போக’. ‘வர’, ‘படிக்க’ போன்ற (செ(ய்)ய’ என்னும்) வினையெச்சங்களின் பின் ஒற்று மிகும்.
விட+கூர்மை=(கத்தியை) விடக் கூர்மை சரிவர+கேள்=சரிவரக் கேள் கூட+கொடு=கூடக் கொடு மிக+சரி=மிகச் சரி போல+பெரிது= (மலை) போலப் பெரிது	க,ச,த,ப	மிகும்	‘சரிவர’, ‘கூட’, ‘மிக’, போன்ற வினையடைகளின் பின்னும் ‘விட’, ‘போல’ போன்ற இடைச்சொற்களின் பின்னும் ஒற்று மிகும்.
ஆக+பேச=அவனாகப் பேச ஆக+சொல்லி= அழகாகச் சொல்லி	க,ச,த,ப	மிகும்	‘ஆக’ என்ற வினையடை விகுதியின் பின் ஒற்று மிகும்.
நல்ல+கதை=நல்ல கதை இன்ன+பெயர்=இன்ன பெயர் இன்றைய+தமிழ்= இன்றைய தமிழ் படித்த+புத்தகம்= படித்த புத்தகம் எழுதாத+கதை=எழுதாத கதை	க,ச,த,ப	மிகாது	‘நல்ல’, ‘இன்ன’, ‘இன்றைய’ போன்ற பெயரடைகளின் பின்னும் ‘படித்த’, ‘எழுதாத’ போன்ற பெயரெச்சங்களின் பின்னும் ஒற்று மிகாது.
சின்ன+குடை= சின்னக் குடை சின்ன+தட்டு=சின்னத் தட்டு சின்ன+பெண்=சின்னப் பெண்	க,த,ப	மிகும்	‘சின்ன’ என்னும் பெயரடை ஏனைய பெயரடைகள் போல் அல்லாமல் ஒற்று ஏற்று வருகிறது.
சின்ன(ம்)+சிறு=சின்னஞ்சிறு	சிறு,சிறிய	(ம்->ஞ்)	மறைந்திருக்கும் ‘ம்’, ‘ஞ்’ என மாறுகிறது.