:: TVU ::

2. முதல் சொல்லின் இறுதி எழுத்து ஆ

எடுத்துக்காட்டு	தொடரும் சொல், விகுதி	சந்தி	விளக்கம்

பலா+கொட்டை= பலாக் கொட்டை பாப்பா+பாட்டு= பாப்பாப் பாட்டு திருவிழா+கூட்டம்= திருவிழாக் கூட்டம் ஊதா+பூ=ஊதாப் பூ	க,ச,த,ப	மிகும்	சில தொகைச்சொற்களில் (இருபெயரொட்டு, பண்புத்தொகையில்) ஒற்று மிகும்.
கனா+கண்டு=கனாக் கண்டு விலா+புடைக்க= விலாப் புடைக்க	க,ச,த,ப	மிகும்	சில பெயர்-வினை கூட்டுச்சொற்களில் ஒற்று மிகும். (எழுவாயாக இருக்கும் போது ஒற்று மிகுவதில்லை. எ-டு நிலா தோன்றியது.)
புறா+கள்=புறாக்கள் வெண்பா+கள்=வெண்பாக்கள்	-கள்	‘க்’ மிகும்	‘-கள்’ பன்மை விகுதி.
நிறைவேறா+கனவு= நிறைவேறாக்கனவு	க,ச,த,ப,	மிகும்	‘நிறைவேறாத’ என்பது போன்ற எதிர்மறைப் பெயரெச்சத்தின் இறுதி எழுத்து ‘த’ விடப்பட்டு (ஈறுகெட்ட எதிர்மறைப் பெயரெச்சமாக) வரும்போது ஒற்று மிகும்.
பலா+இலையில்=பலா இலையில்	உயிரெழுத்து	‘வ்’இடையில் வருவதில்லை	உடம்படுமெய் ‘வ்’ தந்து எழுதுவதில்லை. ‘மாவிலை’ (மா+இலை) என்பது ஒரு சொல் போல் சேர்த்து எழுதப்படுகிறது.