:: TVU ::

5. முதல் சொல்லின் இறுதி எழுத்து உ

எடுத்துக்காட்டு	தொடரும் சொல், விகுதி	சந்தி	விளக்கம்
தேக்கு+கட்டை=தேக்குக் கட்டை பளிங்கு+சிலை=பளிங்குச் சிலை மிளகு+பொடி=மிளகுப் பொடி எஃகு+தொழில்= எஃகுத் தொழில்	க,ச,த,ப	மிகும்	கு,சு,டு,ணு,து,பு,று,ரு,ழு,வு ஆகிய எழுத்துக்களில் முடியும் பெயர்ச்சொற்கள் கூட்டுச்சொற்களாக வரும் போது ஒற்று மிகும்.
அச்சு+கூலி=அச்சுக் கூலி பஞ்சு+பொதி=பஞ்சுப் பொதி பசு+கூட்டம்=பசுக் கூட்டம்
பட்டு+சட்டை=பட்டுச் சட்டை துண்டு+தாள்=துண்டுத் தாள் நடு+கடல்=நடுக் கடல்
கணு+கரும்பு=கணுக் கரும்பு அணு+திரள்=அணுத் திரள்
சொத்து+சண்டை= சொத்துச் சண்டை மருந்து+பை= மருந்துப் பை மது+கடை=மதுக் கடை தூது+குழு=தூதுக் குழு
தப்பு+கணக்கு=தப்புக் கணக்கு வம்பு+சண்டை=வம்புச் சண்டை மரபு+கலைகள்=மரபுக் கலைகள்
மாற்று+தொழில்=மாற்றுத் தொழில் கன்று+குட்டி=கன்றுக் குட்டி
தெரு+சண்டை=தெருச் சண்டை முழு+பொறுப்பு= முழுப் பொறுப்பு நெசவு+தொழில்= நெசவுத் தொழில்
ஆடு+தலை=ஆட்டுத் தலை சோறு+பானை=சோற்றுப்பானை	க,ச,த,ப	மிகும்	டு, று என்பதில் முடியும் பெயர்ச் சொற்களின் இறுதி இரட்டித்தபின் (-ட்டு,-ற்று என்று ஆகி) ஒற்று மிகும்.