| |
| | (ஆ) இந்தியர்கள், குறிப்பாகத் தமிழர்கள், நல்ல உழைப்பாளிகள்.
|
| 1.1.9 அழுத்தத்திற்காக வரிசைமுறை மாற்றி எழுதப்படும் தொடர்களுக்கு இடையில் (ஒப்பு நோக்குக 15.1.5)
|
| | (அ) அறையில் மண்டிக்கிடந்தது, இருள்.
(ஆ) அவன் திருமணம்செய்துகொண்டான், படித்த பெண்ணாகப் பார்த்து.
(இ) முற்றத்தில் அமர்ந்து வானத்தை வெறித்துப்
பார்த்துக்கொண்டிருந்தபோதுதான் தீர்மானித்தாள், மறுநாள்
சென்றுவிடுவதென்று.
|
1.1.10 ஒரு முழுமையான கூற்று வாக்கியத்தைத் தொடர்ந்து வரும் ‘இல்லையா’ ‘அல்லவா’ போன்ற சொற்களுக்கு முன்
|
| | (அ) இயக்குநர் கொஞ்சம் கடுமையாகப் பேசிவிட்டார், இல்லையா?
(ஆ) அவர் உங்களுக்கு நிறைய உதவிகள் செய்தவர், அல்லவா?
|
1.1.11 ஒரே வாக்கியத்தில் அடுக்கி வரும் வினாத்தொடர்களுக்கு இடையில்
|
| | (அ) அவன் சாப்பிடுவானோ, மாட்டானோ?
(ஆ) எப்படி எழுதுவீர்கள், மேசை அருகில் உட்கார்ந்தா, தரையில்
உட்கார்ந்தா?
(இ) உங்களுக்கு என்ன வேண்டும், டீயா, காப்பியா?
|
1.1.12 ஒரே வாக்கியத்தில் அடுத்தடுத்து வரும் ஏவல் வினைகளுக்கு இடையில்
|
| | (அ) அவரைத் தடுக்காதே, போகவிடு.
(ஆ) “வா, போவோம்” என்று அவசரப்படுத்தினாள்.
|
| 1.1.13 எழுவாய்க்கும் பயனிலைக்கும் இடையில் தொடர் வரும்போது எழுவாயை அடுத்து |
| |
(அ தங்கையின் திருமணம், வருகிற 10ஆம் தேதி நடைபெறுகிறது.
(ஆ) அவர்கள், தங்கள் நண்பர்களுடன் மாலைப் பொழுதில் வந்து
தொலைக்காட்சிப் பெட்டியின் முன்பு உட்கார்ந்துவிடுவார்கள்.
(இ) அவள், அவர்கள் வீட்டில் சில மாதங்களாக வேலைசெய்துவருகிறாள்.
|