கீழ்வரும் சொற்களுக்குப்பின் க,ச,த,ப வருக்க எழுத்துகளில்
அமைந்த சொல் வருமொழியாக வந்தால் வலி மிகும்.

1. அ,இ,எ; அந்த, இந்த, எந்த; அங்கு, இங்கு, எங்கு; ஆங்கு,
ஈங்கு, யாங்கு; அப்படி, இப்படி, எப்படி; ஆண்டு, ஈண்டு, யாண்டு;
அவ்வகை, இவ்வகை, எவ்வகை; அத்துணை, இத்துணை, எத்துணை;
இனி, தனி; அன்றி, இன்றி; மற்ற, மற்றை, நடு, பொது, அணு, முழு,
புது, திரு, அரை, பாதி; எட்டு, பத்து; முன்னர், பின்னர் ஆகிய
இச்சொற்களுக்குப் பின் வரும் வலிமிகும். இந்நூலின் பக்கங்கள்
206-207இல் வந்துள்ள எடுத்துக்காட்டுகளைக் காண்க.

2. ஒரெழுத்து ஒரு மொழிக்குப்பின் வரும் வலி மிகும்.

3. ஈறுகெட்ட எதிர்மறைப் பெயரெச்சத்தின் பின் வரும்
வலி மிகும்.

4. அகர இகர ஈற்று வினையெச்சத்தின் பின்னும், ஆய், போய்,
ஆக என என்னும் வினையெச்சங்களின் பின்னும் வரும் வலி மிகும்.