ஸ - இது மொழிக்கு முதலில் ‘ச’ ஆகவும், ‘அ’ ஆகவும்
மொழிக்கு இடையில் ‘ச’ ஆகவும், ‘த’ ஆகவும் மாறும்.

ஹ - இது மொழி முதலில் தன்மேல் நின்ற உயிரெழுத்தாகவும்,
மொழியிடையில் ‘க’ ஆகவும் மாறும்.

வடமொழியில் `ய` முதலில் வந்தால் தமிழில் இகரம் சேர்ந்து
எழுதுவதும், யகரத்திற்கு ஈடாக `எ` வருவதும் மரபு.

மேற்குறித்தவற்றால் சில வடசொற்களைத் தமிழில் எழுதும்
மரபைத் தெரிந்து கொள்ளலாம். புஸ்தகம் என்னும் வடசொல்லை
அப்படியே எழுதுவது ஒரு முறை. அதைப் புத்தகம் என்று
தமிழினிமைக்கு ஏற்றவாறு மாற்றி எழுதுவது வேறொரு முறையாகும்.
புத்தகம் என்பதற்குத் தமிழ்ச் சொல்லாக ஏடு என்று எழுதலாம்.
பாஷை என்பதைப் பாடை என்று எழுதியிருப்பதைக் காணலாம். மொழி
என்று எழுதுவதே நல்லது. பாஷையைப் பாடையாக்குவது போலி
அன்று என்றும், வடசொற்களைத் தமிழில் மாற்றி எழுதுவதாகும் என்றும்
அறிக.