ஆண்பால் விகுதிகள்

உயர்திணையுள் ஆண்பாலைக் குறித்தற்குப் பெரும்பாலும்
அன், ஆன், மான், ன் விகுதிகளாய் வரும்.

சில ஆண்பாற் பெயர்கள் இகரத்தில் முடிவதுண்டு

இவன் பெரிய தொழிலாளி.

பெண்பால் விகுதிகள்

பெண்பால் பெரும்பாலும் அள், ஆள், ள், இ என்னும்
விகுதிகளைக் கொண்டு முடியும்.

குறிப்பு : ஒருவன் - ஆண்பால். ஒருத்தி - பெண்பால். அள்
என்பது பெண்பால் விகுதியாய் இருப்பினும் ஒருவன் என்பதற்கு
ஒருவள் என்பது பெருந்தவறு என்பதறிக. ஒருத்தி என்பதே பெண்பால்;
இதுதான் மரபு. எவ்வாறு உயர்ந்தோர் செப்பினரோ அவ்வாறு செப்புதலே
மரபு. பெருமாள் என்பது மட்டும் முருகனையும் திருமாலையும்
குறிப்பதுண்டு. பெருமாள் - பெருமையை ஆள்பவன் என்பது
இங்குப் பொருளாகும் என்பதறிக. மான் விகுதியிலுள்ள ‘ன்’ ‘ள்’ ஆகத்
திரிந்தது எனலுமாம்.