அஃறிணையில் ஆண்பாலைக் காட்டுவதற்கும் பெண் பாலைக்
குறிப்பதற்கும் தனிப்பட்ட சொற்கள் மிகுதியாக இல்லை; ஒரு சிலவே
உண்டு ஆண் குயில் என்றும் பெண் குயில் என்றும் ஆண் பெண்
சொற்களைச் சேர்த்துக் கூறுவதே வழக்கம்.

இப்படி வருபவை ஒரு சிலவே.

எண் (Number)

எண், ஒருமை பன்மை என இருவகைப்படும். ஒன்றைக் குறிப்பது
ஒருமை. ஒன்றுக்கு மேற்பட்டவற்றைக் குறிப்பது பன்மை. உயர்தினையில்
ஆண்பாலைக் குறிக்குஞ் சொல்லும், பெண்பாலைக் குறிக்குஞ் சொல்லும்,
அஃறிணையில் ஒன்றன் பாலைக் குறிக்குஞ் சொல்லும் ஒருமைச்
சொற்களாகும். உயர்திணையில் பலரைக் குறிக்குஞ் சொல்லும்,
அஃறிணையில் பலவற்றைக் குறிக்குஞ் சொல்லும் பன்மைச் சொற்களாகும்.

இடம் (Person)

பேசுவோர் இடத்தைக் குறிப்பது இடம்.

தன்னைக் குறிப்பது தன்மை இடம்.