:: TVU ::

வேர்ச்சொற் சுவடி

53. கும்
	கும் = குவி, திரள்.
	கும் + அல் = கும்மல். கும்மி = கை குவித்தாடும் ஆட்டம்
	கும் + அர் = குமர். குமர் + இ = குமரி.
	குமர் + அன் = குமரன். குமரன் - குமாரன்.
	குமிழ், குமிழி = குவித்த நுரை, குவிந்த கட்டி.
	குமிழ் - சிமிழ் - திமில்.
	குமி + அல் = குமியல், குமி - குவி.
	குவி - குவியல், குவால், குவவு.
	குவை = குவியல், திரட்சி. குவை - குகை.
	குப்பு - குப்பல் = குவியல்.
	குப்புறு = குவி, தலைகீழாகு.
	குப்பி = குவிந்த மூடி. குப்பை = குவியல், தூசிக்குவியல்.
	குப்பம் = குப்பைக்காட்டு ஊர்.
	குப்பன் = பட்டிக் காட்டான்.
	கும்பு = குவி, கூடு, குவிய வேகு. கும்பல் = கூட்டம்.
	கும்பி = குவிந்த வயிறு.
	கும்பிடு = கைகுவி.
	கும்பம் = குவிந்த குடம். கும்பா = குவிந்த பாத்திரம்.
	கூம்பு = குவி, பாய்மரம். கூப்பு = கை குவி.
	கொம்மை = திரட்சி.
54. கொள்.
	கொள் = வாங்கு, பெறு, பிடி, மிகுதியாயெடு.
	கொள்வனை = பெண் கொள்ளல்.
	கொள்ளை = சூறை, விலை.
	கொண்டி = கொள்ளை, மாட்டும் கொடுக்கு.
	கொள்ளி = நெருப்புப் பிடித்த கட்டை, நெருப்பு.
	கொளு = பொருட் குறிப்பு.
	கொளுவு = பொருத்து, மாட்டு.
	கொளுத்து = பற்றவை, பொருத்து, புகட்டு
	கொளை = பண்ணமைத்தல்
	கொள் - கோள் = கொள்ளுதல், கொல்லுதல், பிடித்தல், பெறுதல், கருத்து, கொள்கை, தீது சொல்லல்.
	கோளாறு = கொள்ளும் வழி, செப்பஞ் செய்யும்நிலை, பழுது.
	கோளி = கொல்லும் பேயுள்ள மரம், கொள்வோன்.