அபிமானி = ஒரு பொருளை மதிப்பவன்

    மானம்-மாணம்

    பரிமாணம்-அளவு

    பிரமாணம்-அளவு, அளவை, அளவையாலறியும் உண்மைப்

    பொருள், உண்மையாகக் கூறும் ஆணை.

    பிரமாணத்தா லறியப்படுவது பிரமேயம்.

    அநு, அவ, உப, சன், அபி, பரி, பிர என்பன பொருள்

    உள்ளவும் இல்லவுமான உபசர்க்கங்கள்.

    பெறுமானம் முதலிய மூன்று சொற்களில் மானம் தொழிற்பெயர் விகுதியாகவுங் கொள்ளப்படும்.

அந்தர்ப்புரம்-அந்தப்புரம்-நிலைமொழி யீறுகெட்டது.

    புரம்: புரி + அம் = புரம், தொழிற்பெயர். புரிதல் = வளைதல்.

    கோடு + அம் = கோட்டம்.

    கோடு + ஐ = கோட்டை.

    திரிசிரபுரம். பீஜபுரம்-பீஜப்பூர்.

    புரி - முதனிலைத் தொழிலாகு பெயர்.

    புரம்-அரண்மனை, கோட்டையாற் சூழப்பட்டது.

    அந்தப்புரம்-உள் அரண்மனை.

    புரி என்னும் தென்சொல் புரீ என வடசொல்லாகுமே யன்றிப் புரீ என்னும் வடசொல் புரி எனத் தென்சொல்லாகாது. இகர வீற்றுத் தென்சொற்கள் வடமொழியில் ஈகாரவீறு பெறும்.