வெள்ளத்தாலழியும்; நெருப்பால் வேகும்; திருடரால் திருடப்படும்; பிறர்க்குக் கொடுக்கக் கொடுக்கக் குறையும்.

4. முற்றுப்புள்ளி ( Full Stop ) வருமிடங்களாவன:

  i. வாக்கிய முடிவு.
  ii. விலாச முடிவு.
  iii. வாக்கியவுறுப்பாய் வராத மேற்கோண் முடிவு.
  iv. தலைப்பு.
  v. சொற்குறுக்கம் - Abbreviation
     உ-ம்: கி.மு., S.M. மல்லையா B.A., B.L.

  vi.பிரிவும் மணியும் குறிக்கும் எண்.
     உ-ம்: 1., 2.30 (2 1/2 மணி)

  vii. கையெழுத்து.
     உ-ம்: T.G. நாகலிங்கம் பிள்ளை.

  viii. தனித்து நிற்குஞ் சொல்.

5. வினாக்குறி - Note of Interrogation
    ஒரு வினா வாக்கியம் முற்றுவாக்கியமாயும் தற்கூற்று ( Direct Narration )வாக்கியமாயுமிருப்பின், இறுதியில் வினாக்குறி பெறும்; அயற்கூற்று ( Indirect Narration ) வாக்கியமாயும் புணர்ச்சி பெற்றதாயுமிருப்பின் வினாக்குறிபெறாது.

    உ-ம்:
    i. அது என்ன?, "நீ வருகிறாயா?" என்று கேட்டான்.
    ii. நான் வருவேனாவென்று கேட்டான்., நீ வருகிறாயாவென்று கேட்டான்.

6. வியப்புக்குறி - Note of Exclamation
    வியப்பு வாக்கியமும் வினாவாக்கியம்போன்று, முற்றுவாக்கியமாயும் தற்கூற்று வாக்கியமாயு மிருப்பின் வியப்புக்குறி பெறும்; புணர்ச்சிபெறின் வியப்புக்குறி பெறாது. (வியப்புக்குறியே விளிக்குறியும்.)

    உ-ம்: என்னே இதன் பெருமை!,
      "என்னே இதன் பெருமை!" என்றான்.
       என்னே யிதன் பெருமை யென்றான்.

7. மேற்கோட் குறி - Quotation Marks or Inverted Commas
    இரட்டைக்குறி வருமிடமாவன:

   i. தற்கூற்று.
      உ-ம்: "நான் வருவேன்" என்றான்.