ஒ.நோ : பொரு - போர். சமம் - சமர்.

     கைகலத்தல்=சண்டையிடுதல். கல-கலாம் = போர், கலகம்.

     கல-கலவு - கலகு - கலகம் = கூட்டச் சண்டை. கலகு - கலகி.

     கலகித்தல் = கலகஞ்செய்தல்.

     வடமொழியில் மூலமில்லை.

கலவம் - கலாப

     கல - கலவு. கலவுதல் = கலத்தல்.

     கலவு - கலவம் = 1. கற்றையான மயில்தோகை.

     "கலவம் விரித்த மஞ்ஞை" (பொருந. 212).

     2. மயில் (சினையாகு பெயர்) .

     கலவு - கலாவு. கலாவுதல் = கலத்தல். கலவம் - கலாவம்= மயில்
தோகை.

     மயில் தென்னாட்டுக் குறிஞ்சிநிலத்திற்குரிய பறவை; குறிஞ்சித்
தெய்வமாகிய முருகன் ஊர்தி.

     வடமொழியிற் கலா (சிறுபகுதி) + ஆப் (கொள், to obtain) என்று
பிரித்து, பல பகுதிகளை ஒன்றுசேர்ப்பது கற்றை ("that which holds single
parts together, a bundle") என்று காரணம் கூறுவது, வட்டஞ்சுற்றி
வலிந்தும் நலிந்தும் பொருள்கொள்ளுவதா யிருத்தல் காண்க.

கலுழன் - கருட (ப) - இ. வே.

     கல் - கலுழ். கலுழ்தல் = கலத்தல். கலுழ் - கலுழன் = வெண்மையும்
செம்மையும் கலந்த பருந்தினம்.     

     மொழியார் க்ரு (ப) என்பதை மூலமாகக் காட்டி, எல்லா வற்றையும்
விழுங்குவது என்று பொருட்காரணங் கூறுவர்.

கலுழம் - கலுஷ

     கலுழ்தல் = கலங்குதல். கலுழ் = நீர்க்கலக்கம்.

     "கலுழ் தேறி" (கலித். 31.)