யமன் இறந்தோர் போய்ச் சேரும் கீழுலகத் தலைவன். இறந்த
வுயிர்கள் கடக்கும் வழியில், நாற்கண்ணும் அகன்ற மூக்குத் துளையு முள்ள
(யமனுடைய) இரு கொடிய நாய்கள் உள்ளன. - வேத ஆரியர் கொள்கை.

     புளூட்டோ இறந்த வுயிர்கள் சென்றடையும் (Hades என்னும்)
கீழுலகத் தலைவன். முத்தலையுள்ள கெர்பெரோசு (Gk. kerberos, E.
cereberus) என்னும் நாய் கீழுலக வாயிலைக் காக்கின்றது. - கிரேக்கர்
கொள்கை.

     உஷஸ் என்னும் விடியல் தெய்வம் ஈயோஸ் (Eos) என்னும்
கிரேக்கத் தெய்வத்தையும் ஒளரோரா (Aurora) என்னும் உரோமத்
தெய்வத்தையும் ஒத்தது.

இந் நாட்டிலிருந்தது:

     இந்திரன் - இந்த்ரா. வேந்தன் என்னும் மருதநிலத் தெய்வப் பெயரே
வடநாட்டில் இந்திரன் என்று மொழிபெயர்ந்து வழங்கி வந்தது.
கடைக்கழகக் காலத்தில் காவிரிப்பூம்பட்டினத்தில் கொண் டாடப் பெற்று
வந்தது வேந்தன் விழாவே.