ஒ.நோ : கட்டல் (கள் + தல்) என்னும் வினை வழக்கற்றபின்
களவுசெய் என்பது முதனிலையாய் வழங்குதல் காண்க.

அட்டம¹ - அட்டம் (boiled rice)

     அடு - அடுசில் - அடிசில். அடு - அட்டம். அடுதல் = சமைத்தல்.

அட்டம² - அட்ட (high. lofty)

     எட்டு - எட்டம் = உயரம். எட்டம் - அட்டம்.

     அட்டம் - அட்டஸ் (வ.) = மதில்மேற் காவற்கூடம்.

அட்டாலை - அட்டால

     அட்டம் + ஆலை = அட்டாலை = மதின்மேற் காவற்கூடம் அல்லது
கோபுரம். சாலை - ஆலை.    

     அட்டாணி = அட்டாலை. 

     ஆரியர் வருமுன்பே, பல்வகை யரணுறுப்புகளைக் கொண்ட
கோட்டை கொத்தளங்கள் தமிழகத்திலிருந்தன.

     அட்டாலை - அட்டாளை(யா)

அடக்கம் - டக்கா (dh)

     அடக்கம் = அடங்கிய ஓசையுடைய தோற்கருவி.

அடவி - அடவீ (—)

     அடு - அடர் - (அடர்வி) - அடவி = மரமடர்ந்த சோலை அல்லது
     காடு. இனி, அடு - அடவி என்றுமாம். அடுத்தல்= நெருங்குதல்,
     சேர்தல், அடர்தல்.

     வடமொழியாளர் காட்டும் சொற்பொருட் கரணியம் வருமாறு:

     அட் = திரி (to roam), அலை (to wander about). அடவீ=
     திரியுமிடம் (place ot roam in), மரமடர் காடு (forest).

அடு - அச் (இ.வே.)

     அடுத்தல் = நெருங்குதல், அடைதல்.