வடமொழி திரிமொழி யாதலின் , அதிற் சுட்டெழுத்தில்லா
திருப்பதொடு, சுட்டுச் சொற்கள் இடமாறியுஞ் சுட்டுகின்றன.

     எ-டு: அத்ர = இங்கே. அத்ய = இன்றைக்கு. அதுநா = இப்போது.
சில அகரச் சுட்டுச் சொற்கள் சேய்மை யண்மையாகிய ஈரிடத்தையுஞ்
சுட்டுகின்றன.

     எ-டு : அதஸ் = அது, இது.

     சில இகரச் சுட்டுகள் ஏகாரமாகத் திரிந்துள்ளன.

     எ -டு : ஏதத் = இது, ஏவம் = இப்படி.

     சில சுட்டுகளின் சார்பு மெய்யான தகரம் ஸகரமாகத் திரிந் துள்ளது.

     எ-டு. தத்(ன) = அவன், அவள், அது.

     இதன் வேற்றுமைப்பாடு (Declension) வருமாறு:

     ஒ. நோ: OE. sio, s„o, sie, E. she.

     வினாவெழுத்தும், வடமொழியி லில்லை. அதோடு, ஏகார(எகர)
வடியின் திரிபான யகரவடியும் ககரவடியுமே வடமொழியி லுள்ளன.

     ஏ-யா. ஏது-யாது. ஏவன்-யாவன்.

     இவை தமிழ்.

     ஏ-எ-எவ்-வெ-கெ. தெலுங்கில் எவற்றினை என்பது (வேற்றினி)
வேட்டினி என்று திரிதல் காண்க.

     தமிழில் உறவியல் (Relative) வினாவும் நேர்வினாவும் ஒரே வகை
யடிகொண்டிருக்கும். வடமொழியில் உறவியல் வினா யகரவடி கொண்டும்
நேர்வினா ககரவடி கொண்டும் உள்ளன.

     எ-டு: உறவியல் வினாச்சொல் நேர்வினாச்சொல்

    இந்தியில் உறவியல் யகர வினாவடி ஜகர வடியாகத் திரிந்துள்ளது.