2. இசையலை.

     ஒ. நோ: அரங்கு - அரங்கம். அலைதல் = அசைதல்.

     அலை = அலையும் நீர்த்திரை.

     அம்போதரங்கம் = கரைநோக்கிவரும் நீரலைபோல் வரவரச்
     சிறுத்துவரும் கலிப்பாவுறுப்பு.

     தொல்காப்பியம் வழிநூலாதலால், ஆரிய வருகைக்கு முற்பட்ட
இடைக்கழகக் காலத்திலேயே அம்போதரங்க வொத்தாழிசைக்கலி
வழக்கிலிருந்திருத்தல் வேண்டும்.

     வடவர் தரம்+க (பய) என்று பகுத்து, குறுக்கே செல்வது என்று
மூலப் பொருளுரைப்பர். தரம் என்பதன் மூலம் த்ரூ. இது துருவு என்னும்
தென்சொற் றிரிபு. க என்பது ஏ என்பதன் கான்முளை. ஏ-யா-ஜா-கா-க.

     தருக்கம்-தர்க்க

     தருக்குதல் = 1. செருக்குதல்.

     2. மிகுத்துக் கூறுதல்.

     3. போரூக்கங் கொள்ளுதல்.

     4. தாக்குதல், இடித்தல்.

     5. தகர்த்தல்.

     தருக்கு = 1. செருக்கு. 2. எதிர்க்கும் வலிமை.

     3. சொற்போர். "தருக்கினாற் சமண்செய்து" (திவ்.பெரியதி.2.1:7).

     தருக்கு-தருக்கம் = 1. சொற்போர்.

     2. தருக்க நூல்.