வேத ஆரியரின் முன்னோர் இருந்த வடமேலை நாடுகட்கு,
இளவேனில்(Spring), கோடை (Summer), வறளை (Autumn), மாரி
(Winter) என்னும் நாற் பெரும்பொழுதே உரியன. தென்னாடு வந்து
தமிழரோடு தொடர்புகொண்ட பின்னரே, தமிழகத்திற்குரிய அறு பெரும்
பொழுதுகளையும் ஆரியர் மொழிபெயர்த்துக் கொண்டனர்.

     இன்று தமிழ்நாட்டில் வழங்கும் கணிய (ஜோதிட) நூல், குமரி
நாட்டிலேயே தமிழரால் முற்றும் அறியப்பட்டுவிட்டது. அதை வழிவழி
கையாண்டுவந்த வள்ளுவரைத் தீண்டத்தகாதவரென்று தாழ்த்தி, ஆரியர்
பெரும்பாலும் தமக்கே அந் நூலாட்சியை உரிமை யாக்கிக்கொண்டனர்.