குறிலுக்குச் சொன்னது நெடிலுக்கும் ஒக்குமாதலின், மேற்கூறிய திரிபுகளை முறையே ஊ - ஆ, ஊ - ஈ என்றுங் கொள்ளல் வேண்டும்.

மெய்யினத் திரிபுகளுள், ள்-ய் சிறப்பாகக் கவனித்தற்குரியது. பல ளகர மெய்யீற்றுச்சொற்கள் யகர மெய்யீற்றுச் சொற்களாகத் திரி கின்றன.

ஐகார ஒளகார உயிர்ப்புணரொலிகள் (vowel diphthongs) தோன்றியபின், தனி அகரக்குறிலை யடுத்த யகரமெய் அய் என்று எழுதப்படாமல் ஐ என்றே எழுதப்பட்டு வந்திருக்கின்றது.

“அகரத் திம்பர் யகரப் புள்ளியும்
ஐஎன் நெடுஞ்சினை மெய்பெறத் தோன்றும்”             (மொழிமரபு. 23)

என்று தொல்காப்பியர் கூறுதல் காண்க.