இங்குக் காட்டப்பட்ட சொற்களெல்லாம், முன்வருதல் அல்லது முன்றள்ளுதல் என்னுங் கருத்தை அடிப்படையாகக் கொண்டவை. (shoot, bud முதலிய ஆங்கிலச் சொற்களுடன் இவற்றை ஒப்பு நோக்குக.)

ii. இளமை (இயங்குதிணை)

உரு = கரு (embryo).

(குள்) - குழ - குழவு = இளமை, குழந்தை, குட்டி. குழவு- குழவி = குழந்தை, குட்டி.

குழவு - குழகு = இளமை, குழந்தை. குழகு - குழகன் = இளைஞன். குழ - குழந்தை. (குள்) - குட்டி.

கொழுந்து = கொழுந்துபோன்ற மகன் அல்லது மகள். குலக் கொழுந்து என்னும் வழக்கை நோக்குக.

குரு - கரு = சூல், முட்டை, குழவி, குட்டி.

“காசறைக் கருவும்”                               (சிலப். காட்சி. 52)

கரு - கருப்பு - கருப்பம்.

குரு - குருந்து = குழவி.

குருகு = விலங்கின் குட்டி.

குருளை = குட்டி.

குது - (குதல்) - குதலை = மழலை. குதல் - (கதல்) - கதலி = சிறியது. கதளி - கசறி = கெண்டைக்குஞ்சு. (கதல் - (கசல்) - கச்சல் = பிஞ்சுக்காய்)

புள் - புரு = குழந்தை.

புள் - பிள் = பிள்ளை, பிள்ளைமை யழகு.

“தன்பிள் ளழியாமே”                           (திருவிருத். 14, வியா. ப. 94)

பிள் - பிள்ளை. பிள் - பீள் = கரு, கருப்பைக் குழவி, இளமை.

“பீட் பிதுக்கி”                                   (நாலடி. 20)

(புது) - புதல்வு - புதல்வன், புதல்வி

முல் - (முன்) - முனி = யானைக்கன்று.