(1) தொடுதல் துறை

மெலிதாய்த் தொடுதல்

(உள்) - அள் - அளவு - அளாவு. அளவுதல் = தொடுதல்.

உறுதல் = தோலால் தொடுதல். உறு - ஊறு = தொட்டறிவு.

உல் - ஒல் - ஒற்று - ஒத்து.

ஒத்துதல் = மென்பொருளால் தொடுதல்.

ஒத்து - ஒத்தடம். ஒத்து - ஒற்று - ஒற்றி.

துவளுதல் = தொடுதல். துவளை = ஒத்தடம்.

துவ - துவை - துவைதல் = சாயந்தொடுதல்.

(தூண்டு) - தீண்டு - தீட்டு. தீண்டுதல் = தொடுதல்.

தொடுதல் = உறுதல்.

தோய்தல் = நீரையும் நிலத்தையுந் தொடுதல்.

“கால்நிலந் தோயாக் கடவுளை”                    (நாலடி. கட. வா.)

பொருதல் = பொருந்தித் தொடுதல், பொருங் கதவு, பொருமுக வெழினி முதலிய பெயர்களை நோக்குக.

முத்துதல் = முகத்தால் தொடுதல்.

i. தொடும் உறுப்பு (புறணி)

உரி = தோல், மரப்பட்டை. (உல் - உர் - உறு. உர் - உரி)

(தொல்) - தொலி - தோல் - தோடு - ஓடு.

(தொன்) - தோள் = தொடும் உறுப்பான கை, அல்லது சுவலைத் தொடும் புயம்.

துவ - துவக்கு = தோல்.

ii. தொடங்கல்

ஒரு கருவியைத் தொடுதலே அதைக்கொண்டு செய்யும் வினையைத் தொடங்கலாகும். ஒரு வினையைத் தொடங்கல் அதைத் தொடுதல் போலாம்..

உறுதல் = தொடங்கல்.

எ-டு: உரைக்கலுற்றான் = சொல்லத் தொடங்கினான்.