இஞ்சிநல்லா விளைந்திருக்கும் - தங்கம்தையலாளே
        இஞ்சிக்காடு வாறியாடி - பொன்னுகுயிலாளே
    மஞ்சள்நல்லா விளைந்திருக்கும் - தங்கம்தையலாளே
        மஞ்சிமலை வாறியாடி - பொன்னுகுயிலாளே.

21

கும்புகும்பாக் கோழிமேயும் - தங்கம்தையலாளே
        கோழிக்கானம் வாறியாடி - பொன்னுகுயிலாளே
    பாம்புபோலே நெளிந்திருக்கும் - தங்கம்தையலாளே
        பாம்பனாறு வாறியாடி - பொன்னுகுயிலாளே.

22

காடெல்லாம் கரடிஓடும் - தங்கம்தையலாளே
        கரடிக்குழி வாறியாடி - பொன்னுகுயிலாளே
    வாழைபலா மாங்காய்இருக்கும் - தங்கம்தையலாளே
        வாழையடி வாறியாடி - பொன்னுகுயிலாளே.           

23

ஆயிரமா ஆனைமேயும் - தங்கம்தையலாளே
        ஆனைக்கடவு வாறியாடி - பொன்னுகுயிலாளே
    பெரியதுரை குடியிருக்கும் - தங்கம்தையலாளே
        பெரியவரை வாறியாடி - பொன்னுகுயிலாளே.

24

தையல் மறுத்தல்

அஞ்சுரூபாய் கொடுத்தாலுந்தான் - தங்கமாமாவே
        ஐயர்பாடி வரமாட்டேன்நான் - பொன்னுமாமாவே
    செக்கெல்லாம் இங்கேஇருக்கு - தங்கமாமாவே
        சேக்கல்முடி வரமாட்டேன்நான் -
பொன்னுமாமாவே.    

25

ரஸகுண்டு உருண்டுபோகும் தங்கமாமாவே
        கஜமுடிக்கு வரமாட்டேன்நான் - பொன்னுமாமாவே
    கள்குடிச்சால் மயக்கம்வரும் - தங்கமாமாவே
        கண்டிதேசம் வரமாட்டேன்நான் -
                                பொன்னுமாமாவே.

26