மும்மூர்த்தி வந்தால்கூட
        முடிச்சிடுவேன் நொடிப்பொழுதில்
    கம்மால்பண்ண முடியாதடி - ஏடிதங்கம்மா
        நம்மபலம் தெரியாதடி - அடிபொன்னம்மா.        

31

அந்தக்காலத்தி லேஇருந்த
        அர்ச்சுணன் வீமன் காமனும்
    எந்தமூலை யடிஎனக்கு - ஏடிதங்கம்மா
        சந்து சந்தாக் கிழிச்சிடுவேன்
                            அடிபொன்னம்மா.

32

அளவுக்கு மிஞ்சினாக்க
        அமுதமும் நஞ்சு டாப்பா
    அளவுக்கு மிஞ்சா தேடா - ஏலேதங்கையா
        அலசடி பட்டுப் போவே - அடேபொன்னையா.       

33

உனக்கி ருக்கும் ரோசந்தான்
        எனக்கும் இருக்கு முண்ணுநினை
    உனக்குமேல் இருப்பேனடா - ஏலேதங்கையா
        மனப்பால் குடிக்காதேடா - அடேபொன்னையா.       

34

ஒத்தையிலே இருக்கிறேண்ணு
        ஒருகாலும் நினைக்காதேடா
    கத்திக்கிரை யாகாதேடா - ஏலேதங்கையா
        அத்தைமக்கள் வாறாங்கடா -
                              அடேபொன்னையா.

35

அத்தைமக்கள் வந்தால் என்ன
        கத்தியெல்லாம் வந்தால் என்ன
    கத்தி ரிக்காய் போல்அவரை - ஏடிதங்கம்மா
        சுத்தமா அரிஞ்சிடுவேன் - அடிபொன்னம்மா.        

    36