:: TVU ::

36	முத்துப்பட்டன் கதை

	பட்டன் :
	இந்தஉறுதியுஞ் சந்தோஷஞ் சொன்னாலுங் கேளேன் இஷ்டமாக கூடுடுயிருக்க இது நல்லநாளே
	பெண்கள் :
	வந்தசகுனமோ அக்காள்இ வனா ருகேளு மடியைப்பிடிக்க வருகிறான் பாவி சண்டாளன், சாம்ப சிவநாதர் போலிருக்கிறீர் சுவாமி சக்கிலிச்சி நாங்கள் தீண்டப்பொறுக்குமோ - பூமி
	பட்டன் :
	ஆண்டவன் செயலினாலுந்தனை பெற்றாளே - மாமி அல்லாமல் வேறில்லை தாகந்தணிந்திட - நேமி சொந்தமாகவே வந்தேன் மையியலைத்தீரு.
	பெண்கள் :
	சுவாமி பொதிகாசல முண்டு கார்ப்பார் விந்தையாய் பேசுறானே எங்களைக் காரு வெட்டிடு வானென்தகப்பன் இதோ உன்னைபாரு.
	பட்டன் :
	நாக்கை சுயழற்றுது உள்வாய்யுளறுது பெண்ணே நன்மையுண்டு கையால் தண்ணீரு தந்திடு கண்ணே
	பெண்கள் :
	கன்றுக்கிரங்கும் பசுபோ லலைகிறீர் சுவாமி, இது காரியமல்ல வந்தவழி போம் சொன்னேன். அப்பன் பசியோடே தேடியிருப்பானே யெங்களை, அப்புறம் தூரவிலகிடும் போறோம் நாங்களே.
	பட்டன் :
	ஒப்புடன் கூடியிருக்கலாஞ் சக்கிலிப் பெண்களே ஓடிப்போனா லெந்தன்தோஷம் விடாதடி உங்களை
	பெண்கள் :
	பொழுது உயர்ந்து வெகுநேரமாகுது பொம்மக்கா போகவொட்டாமலே நம்மை மறிக்கிறான் திம்மக்கா மறித்துமே பெண்களை முந்தியே எட்டிப் பிடிக்கிறான் மையல் பொறுக்காமல் மன்மதபாணந் துடிக்கிறான்