நாய்வருவதற்கு முன் சேர்க்கையாய் ரெண்டுபெண்கள்
பாயதி லுறங்கும்போது பாதகமாய்க் கவுகனண்டு
தாய்தந்தை இறந்ததென்று தவிப்பதுபோல்
கூவியே அழுதுபெண்கள் கூப்பிட்டுத்தான் சொல்வாளே
“அக்கா நீ கேள் நானும் அசந்து³⁹ உறங்கையிலே
கச்சமாகவல்லோ கண்டகினா கணவனுக் காகாது
பக்கத்திலே ஒளிந்தொருவன் பதுங்கி யிருந்திடவும்
அப்புறம் ஓடிவந்தே கணவனைக் குத்திடக்கண்டேனான்
சக்கரம்போல் சுழன்று மன்னவன் தண்ணீர்க்கரை யதிலே
குப்புறவே விழுந்தயிடத்தில் குடலும் சரியக்கண்டேன்
மலையில் புலிகளும் நம்மன்னவனுக்கு துணையாகி
கழுகும் ஒருநரியும் மன்னவனைக் காத்திடக்கண்டேன் யான்
கள்ளியும் கல்லடியும் சிலகாட்டில் மிருகங்களும்
கொள்ளிவாய்ப் பேய்கள் வந்து பந்தம் கொளுத்திடக் கண்டேனான்
தாலிமடை⁴⁰ முறிந்து தெருவினில் தானே விழுந்திடவும்
வருக்கைபலா மரமுறிந்து மலையில் விழவுங்கண்டேன்
குடிசையில் தீப்படவும் கொட்டாரம் வைக்கக் கண்டேன்”.